EKARPENAK

Zergatik da garrantzitsua GEROAra ekarpenak egitea?

Gure azken soldataren eta erretiroaren eguneko pentsioaren artean dagoen aldea handitu egingo dela kontuan hartuta, garrantzitsua da ekarpenak egitea erretiro lasaiagoa izateko eta lanetik erretiroa hartu ostean bizi maila bera mantendu ahal izateko.

Zergatik gomendatzen dute gaztea zarenean ekarpenak egitea, erretiroa hartzeko urte asko falta badira?

Zenbat eta lehenago hasi ekarpenak egiten, orduan eta ahalegin txikiagoa egin beharko duzu erretirorako kapital handiagoa lortzeko.

GEROAra ekarpenak egitea nahitaezkoa da?

Bai, betiere GEROAra atxikitako sektore bateko enpresa batean lan egiten baduzu.

 

 

Nola egiten dira GEROAko ekarpenak?

Ekarpenak enpresak eta langileen artean erdibana egiten dituzte eta nominan kentzen dira.

Ekarpenen % 93 aurreztera bideratzen da eta gainerako % 7 aseguru batera; horrek bermatzen du GEROAn kotizatzen ari diren langileek kapital gehigarria izatea ezintasun edo heriotzaren kasuetarako. Zenbateko hori izango da ezintasunetik edo heriotzatik 65 urte bete arte langileak egingo zukeen ekarpena.

Zer gertatzen da nire diruarekin ekarpena egiteari utziz gero?

Sortutako eskubide ekonomikoak mantenduko dituzu, hau da, zure ekarpenak, enpresarenak eta prestazioa eskatu arte lortzen dituzun errendimenduak.

Banako gisa GEROAra ekarpenak egin ditzaket?

Ez, Erakundera atxikitako enpresetako langileek soilik egin ditzakete ekarpenak GEROAra, eta jardueraren sektore bakoitzari dagokion aktan ezarrita datorren ekarpenen ehunekoaren arabera bakarrik.

Amatasun, aitatasun, aldi baterako ezintasun edo enplegu-erregulazioaren kasuetan ekarpenak egiten jarraitu behar al da?

Bai, kasu guztietan ekarpenak egiten jarraitu behar da.

GEROAra egindako ekarpenak zerga-kenkari gisa erabil al ditzaket?

Bai, langileak egindako ekarpenak osorik kentzen dira aitorpeneko oinarri zergagarrian dagokion zerga-ekitaldian.

EKARPENAK KUDEATU

Atal honetan norbere burua kudeatzen duten enpresa eta aholkularitza-enpresek egin beharreko urratsak adierazi ditugu, bai lehen aldiz egin beharreko ekarpenetan, bai ondorengoetan.

Hona hemen jarraitu beharreko urratsak:

1 ESKATU KODEA:

Enpresaren Gizarte Segurantzako Ebazpenaren dokumentua bidali behar duzue, bai faxez, bai posta elektronikoz, eta gero deitu egingo dizuegu dagokion kodea jakinarazteko. Gure webguneko eremu pribatura sartzeko erabiltzailea eta pasahitza emailez jasoko dituzue.

2 FITXATEGIA EGITEA:

Gure webgunean GEROAren programa eta fitxategiak bete beharreko ezaugarri espezifikoak zehaztuta dituzue.

Programa ez da beharrezkoa nominen aplikaziotik bertatik fitxategia sortzen duten enpresetarako.

GARRANTZITSUA: Fitxategian langileen helbide zuzenak jarri behar dira, gero etxera bidaliko baitzaie gure webgunean erregistratu ahal izateko partaidetza-zenbakia/erabiltzailea.

Internetik ez duten langileek, langileen Alta/Aldaketa eredua eskatu dezakete 943317022 telefonoan. Geroko helbide-aldaketak egiteko, Langileen eremuan ala gurekin harremanetan jarri beharko duzue.

Fitxategia ondorengo hilabete bukaeran edo horren 15a baino lehen helbideratuta badago bidaliko da, gure webgunearen Eremu Pribatuaren bidez.

3 ORDAINTZEKO HAINBAT AUKERA:

  • Banku electronikoa
  • Zordunketa automatikoa/banku-helbideratzea (ikus baldintzak)

 

HARREMANETARAKO PERTSONA:

Ana
Telefonoa: 943 317 279

Hona hemen jarraitu beharreko urratsak:

1 AHOLKULARITZA ENPRESAREN KODEA ESKATU:

Aholkularitza-enpresaren datuak GEROAra bidali behar dituzue, emailez edo faxez, eta gero deitu egingo dizuegu dagokion kodea jakinarazteko. Gure webguneko eremu pribatura sartzeko erabiltzailea eta pasahitza emailez jasoko dituzue.

2 KODEAK ESKATZEA:

Enpresen Gizarte Segurantzako Ebazpenaren dokumentua bidali behar duzue, bai faxez, bai emailez, eta gero deitu egingo dizuegu dagokion kodea jakinarazteko.

3 FITXATEGIA EGITEA:

Gure webgunean GEROAren programa eta fitxategiak bete beharreko ezaugarri espezifikoak zehaztuta dituzue. Programa ez da beharrezkoa nominen aplikaziotik bertatik fitxategia sortzen duten enpresetarako.

GARRANTZITSUA: Fitxategian langileen helbide zuzenak jarri behar dira, gero etxera bidaliko baitzaie gure webgunean erregistratu ahal izateko partaidetza-zenbakia/erabiltzailea.

Internetik ez duten langileek, langileen Alta/Aldaketa eredua eskatu dezakete 943317022 telefonoan. Geroko helbide-aldaketak egiteko, Langileen eremuan ala gurekin harremanetan jarri beharko duzue.

Fitxategia ondorengo hilabete bukaeran edo horren 15a baino lehen helbideratuta badago bidaliko da, gure webgunearen Eremu Pribatuaren bidez.

4 ORDAINTZEKO HAINBAT AUKERA:

  • Banku electronikoa
  • Zordunketa automatikoa/banku-helbideratzea (ikus baldintzak)

 

HARREMANETARAKO PERTSONAK:

Igone, Marijo eta Miguel
Telefonoa: 943 317 279

SEKTOREAK

96. urtean GEROA Gipuzkoako sektore siderometalurgikoaren ekarpenekin hasi zen. Patronal eta Sindikatuen (Bazkide Eratzaileak) negoziketen bitartez ezarri beharreko %ak erabaki ziren. Bien arteko akordiora iristean, Geroara ekarpena derrigorrezkoa bihurtzen da sektore horretako enpresa (Bazkide Babesle) eta langile guztientzat (Agizko Bazkideak). Gaur egun ondoko sektoreak biltzen ditu, bertan adierazten diren kotizazio-ehunekoekin –ehuneko horiek langilearen kontingentzia arruntaren oinarrian aplikatzen dira.

 

KODEA SEKTOREAK APLIKATZEKO %
  ENP LAN
G01 INDUSTRIA SIDEROMETALURGIKOA 2,300 2,300
G02 ZERAMIKAREN INDUSTRIA 1,750 1,750
G03 ZURAREN INDUSTRIA 1,000 1,000
G04 GARRAIO-KUDEATZAILEAK 1,500 1,500
G05 OKINTZAREN INDUSTRIA 0,600 0,600
G06 BEIRAREN INDUSTRIA 1,750 1,750
G07 ERAIKUNTZA 2,000 2,000
G08 PAPER-KARTOIAREN INDUSTRIA 0,700 0,700
G09 ALTZARIEN INDUSTRIA 0,500 0,500
G10 EHUNGINTZAREN MERKATARITZA 0,800 0,800
G11 LARRUAREN MERKATARITZA 0,800 0,800
G12 METALAREN MERKATARITZA 1,000 1,000
G13 ERAIKIN ETA LOKALEN GARBIKETA 1,250 1,250
G14 HORNITEGIAK 2,000 2,000
G15 FRUTA ETA BARAZKI HANDIZKARIAK 1,500 1,500
G16 ERREP. ZEHARREKO MERKA. GARRAIOA 0,750 0,750
G17 IKUSKIZUN ETA KIROL LOKALAK 0,500 0,500
G18 BULEGO ETA DESPATXOAK 0,200 0,200
G19 MERKATARITZA OROKORRA 0,200 0,200
G20 KIROL INSTALAZIOAK 0,500 0,500

 

Honez gain, erakundera 35 enpresa barneratu dira. Sektorial konbeniorik etzutenez, Geroa BGAEra atxikitzeko eskaria egin zuten, Erakundeko gobernu organuek onartu zutelarik.

2007.urtetik aurrera, adimen urritu eta gaixotasun mentala duten bazkide Babesle eta Agizko bezkideek burutu beharreko aldizkako ekarpena, gehienez ere, une oro bere Sektore edo enpresarentzat ezarritako portzentaiaren bikoitza izango da; beti ere, bazkide babesle eta langile bazkidearen aportazioak berdinak badira, talde honetako langileen arteko ekitatea mantentzen bada eta sektorean adostua eta Erakundeko Gobernu Batzordeagatik onartua bada.

Gure webgunean, gure cookieak sarrera ezegokiak ekiditeko eta bitartekarienenak analisiak egiteko erabiltzen ditugu. Hemen duzu gure cookie-politikari buruzko informazio guztia. Cookieak onartu, konfiguratu ala ezeztatu ditzazkezu botoi zehatza sakatuz.
Atal zein menu desberdinetatik nabigatzen jarraitzen baduzu, horien erabilera eta onartzen duzula kontsideratzen dugu.