GEROAk Grand Slam Hondarribia txapelketarekiko konpromisoa berritu du

GEROAn pertsonak elkartzen dituzten, bizi-ohitura aktiboak sustatzen dituzten eta gure lurraldeko kultura-ondarea zaintzen laguntzen duten ekimenen balioan sinesten dugu. Horregatik, aurten ere, punta-puntako nazioarteko txapelketetako bat den Grand Slam Hondarribia zesta-punta txapelketaren babesle izango gara.

JAI ALIVE erakundeak antolatutako txapelketak hainbat astetan bilduko ditu gaur egungo puntistarik onenetako batzuk, eta, horrela, goi-mailako kirolaren erakusleiho izateaz gain, zesta-punta Euskadin nahiz nazioartean sustatzeko erreferente gisa sendotuko da.

Nortasuna eta nazioarteko proiekzioa dituen kirola

Zesta-punta gure lurraldeko historiaren, kulturaren eta nortasunaren parte da. Euskadin sortutako kirol honek mugak gainditu ditu, eta nazioartean presentzia sendoa duen euskal kirol bakarra bihurtu da.

Grand Slam Hondarribia txapelketak tradizioa, bikaintasuna eta etorkizunerako proiekzioa uztartzen ditu. Urtez urte, maila goreneko kirolariak biltzen ditu, eta zesta-punta gerturatzen die bai urteak daramatzatenei, bai zaletu belaunaldi berriei.

Kirolarekiko eta Gipuzkoarekiko konpromisoa

Kirolak ahalegina, iraunkortasuna, talde-lana eta norberaren hobekuntza bezalako balioak sustatzen ditu. Guk ere balio horiek partekatzen ditugu, eta pertsonengan nahiz gure ingurunearekiko dugun konpromisoa ulertzeko moduaren parte dira.

Horregatik, bizi-ohitura osasungarriak sustatzeaz gain, lurraldea dinamizatzen eta tokiko talentua balioan jartzen laguntzen duten kirol-ekimenak babesten jarraitzen dugu.

Uda osoan zehar gozatzeko hitzordua

Grand Slam Hondarribiaren edizio berria Hondarribiko Jostaldi pilotalekuan jokatuko da. Partidak ostiralero izango dira, 20:00etan, uztailaren 10etik abuztuaren 28ko final handira arte.

Jardunaldiak uztailaren 10ean, 17an, 24an eta 31n jokatuko dira, baita abuztuaren 7an, 14an, 21ean eta 28an ere. Azken egun horretan jokatuko da txapelketako final handia.

Grand Slam Hondarribia txapelketari gure babesa berritzeak kirola, tradizioa eta berrikuntza uztartzen dituen ekitaldi baten aldeko apustua egiten jarraitzea esan nahi du. Urtez urte, zesta-puntaren zaleentzako ezinbesteko hitzordu bihurtu da.

Bizi ezazu Grand Slama GEROArekin

Grand Slam Hondarribia txapelketaren babesle gisa, gure bazkideek ere barrutik bizi ahal izatea nahi dugu.

Horregatik, txapelketan zehar zozketa esklusiboak egingo ditugu, eta hainbat sari eskuratzeko aukera izango duzu, lehia zuzenean bizitzeko.

2 irabazlek honako sari hauek jasoko dituzte:

• Grand Slam txapelketako kamiseta ofizial bat.
• Bi pertsonarentzako bonu bat, txapelketako partida guztietarako sarrerarekin.

Beste 5 irabazlek honako hau lortuko dute:

• Sarrera bikoitz bat Grand Slameko jardunaldi batera joateko.

Nola parte hartu?

GEROAko bazkidea bazara, zure eremu pribatuan sartu eta zozketan izena eman besterik ez duzu egin behar. Parte hartu eta bizi gertutik Gipuzkoako udako kirol-hitzordu nagusietako bat!

GEROAn pozik gaude, beste urte batez, txapelketa honen parte izateaz eta gure nortasunarekin estu lotuta dagoen kirol honek hazten eta mundura zabaltzen jarrai dezan laguntzeaz.