Geroa Pentsioak BGAE ::

GEROA enplegu sektorialeko BGAE bat da, ADEGIk eta Gipuzkoako sindikatuek sustatuta zu bezalako langileen alde jarduteko. Gure eginkizuna zuk eta lan egiten duzun enpresak zure pentsioa hilero osatzeko egiten dituzuen ekarpenak erantzukizunez haz daitezen jardutea da. Aurrezteko modu horrek, gainera, bereizi egiten gaitu.

Parekidetasuna

GEROAn, ekarpenak era partekatuan egiten dira langilearen eta enpresaren artean (%50 bakoitzak). Indarrak batzen ditugu, gehiago eta hobeto aurrezteko.

Irabazi-asmorik gabe

Ez dugu komisiorik kobratzen eta ez dugu dibidendurik banatzen. Gainera, gure gobernu-organoetako kideek ez dute inolako ordainsaririk jasotzen, eta, horri esker, aurrezkien errentagar-ritasuna hobetzea lortzen dugu.

Independentzia

GEROA ez dago ezein organismo publikoren eta ezein finantza-erakunderen mende, eta horrek erabateko askatasuna ematen digu inbertsiorik onenak aukeratzeko garaian.

Konpromisoa

GEROAn, pentsio osagarria eskaintzeaz gain, gure bazkideak eta haien senideak babesten ditugu ezintasun edo heriotza kasuetan.

Gizarte-Erantzukizuna

Gure ondarearen zati bat euskal industria-sarean inbertitzen dugu, eta hori lagungarria da lanpostu berriak sortzeko, besteak beste.

Profesionaltasuna

GEROAn, kudeaketa-gastu guztiak bazkideen eskura daude, eta webgune honetan bertan kontsulta daitezke.

Erretiroa hartzen baduzu ere, zure bizitzak ez luke zertan erretiroa hartu, ezta?

Gure zenbakiak dira gure bermea

2.537

2021ean sortutako prestazioak

198,40€

Erretiroen hileko batez besteko zenbatekoa 2021ean

%36

GEROAaren babespean dauden Gipuzkoako langileak

%6,46

Euskadiko enpresetan egindako inbertsioa

Eta hauxe da gutaz esaten dutena

"Atzerrira bizitzera joan nintzenetik ekarpenak egiten jarraitzeko aukera izatearen falta igartzen dut; zeren gaur egun, krisia egon arren, nire aurrezkiak ekarpenen bikoitzak dira."

Victor Lee
SAPAko langile ohia

"Entzuten dena kontuan hartuta, ez dakit zein izango den nire pentsioa. GEROAtik osagarri bat jasoko dudala jakiteak lasaitasuna ematen dit gaur egungo ahalegin txiki baten truke."

Aritz San Emeterio
Ferrovial Servicios S.A.ko langilea

"27 urte nituela, lanerako ezintasuna dela eta, nire bizitza hankaz gora jarri zen, baina GEROAko biziarteko pentsioak asko laguntzen dit."

Enrique Tellado
Bazkide langile pentsioduna

"Hartutako prestazioa kobratzeko au.kera, hileko errenta izan da, Gizarte Segurantzako pentsioa handitzeko."

Lourdes Iriondo
2. tramuko jubilatua

"Jubilatu berri naiz. Zalantzarik gabe, GEROAko hileroko osagarria aukerarik onena da!."

Lourdes Aguirrezabala
Katea Legaia S.L.L. jubilatua

Zertan lagun zaitzakegu?

Talde gaztea eta dinamikoa gara, eta esperientzia egiaztatua dugu pertsonen arretan eta arriskuen, inbertsioen edo sistemen kudeaketan. Guztira, 22 pertsonak dihardugu gure bazkideen alde eta gure bazkideentzat. Badakigu gure lana garrantzitsua dela; horregatik, egunetik egunera hobeak izaten saiatzen gara.

Gobernu-organoak eta egitura

ADEGI Gipuzkoako Enpresen Elkarteak eta ELA, LAB, CCOO eta UGT sindikatuek partekatutako proiektua da GEROA. Gobernu-organoak Batzar Orokorra eta Gobernu Batzordea dira, eta modu paritarioan osatuta daude. Gaur egun, ADEGIk Gobernu Batzordeko Lehendakaritza eta Diruzaintza, ELA Lehendakariordetza eta CCOO Idazkaritza ditu.